АҞӘА, ажьырныҳәа 18 – Sputnik. Урыстәылатәи аҳәаахьчаҩцәа дааныркылеит анаркотикатә маҭәашьар зыдкылан иҟаз Аԥсны атәылауаҩ ареспубликахь "Лирика" аҭагалара зҽазызшәоз, ҳәа аанацҳауеит Урыстәыла АШәМ Краснодартәи атәылаҿацә Аҳәаахьчаратә усбарҭа апресс-маҵзура.
Ахаҵа шьапыла Урыстәылантә Аԥсныҟа дҭалон. Аҳазалхыҩцәа ззин ыҟам атауар ма амаҭәар умоума ҳәа рызҵаара аҭакс мап ҳәа иҳәеит.
Аидара иааигоз акинологцәа адгаланы агәаҭараан идырбалеит амаҭәашьар "Лирика"– прегабалин 27 капсула.
Урыстәыла АШәМ Краснодартәи атәылаҿацә аусҭҵааратә ҟәша абри ахҭыс аганахь ала ашьаус хацнаркит УА АЗ ахәҭаҷ 226.1 ахәҭа 1 инақәыршәаны иаанкылоу ауҩы иигоз апрепорат азы арбагақәеи адокументқәеи ахьимамыз азы.
Азинеилагаҩ иқәырҵар ҟалоит 12 шықәса ихақәиҭра иалхәыдатәра, миллионк ахараԥсеи, ма хәышықәса рыҩнуҵҟатәи иулафахәы, ма хәышықәса рыҩнуҵҟа иоуа аҽа хашәалак.