АҞӘА, ажьырныҳәа 18 – Sputnik. Урыстәыла Агәабзиарахьчара аминистр Михаил Мурашко COVID-19 аҟынтә алаҵаҟаҵара иаԥырхагоу реиқәыԥхьаӡаз адҵа инапы аҵеиҩит. Абри адокумент кьыԥхьуп азинтә информациа аофициалтә интернет-портал аҿы.
"Адҵа ҟасҵоит акоронавирустә инфекциа COVID-19 аԥзырҟәҟәаауа алаҵаҟаҵара иаԥырхагоу амедицинатә ԥырхагақәа реиқәыԥхьаӡа шьақәырӷәӷәазарц", - ҳәа аҳәоит адҵаҿы.
Иҿҳәарадоу ԥырхаганы ишьоуп:
Апрепарат аилазаара анырра анунаҭо;
Аллергиатә реакциақәа;
Алаҵа ашьҭахьтәи ауадаҩрақәа— анафилактикатә гәыҿкаара, аллергиатә реакциақәа, ақыџьқыџьратә синдром, 40 градус еиҳау ацәашоура, алаҵаҭыԥ ачра (уаанӡатәи алаҵаҟаҵараан ма алаҵа ахәҭак аҟаҵараан).
Иаамҭалатәу ԥырхаганы ишьоуп аҿкратәии авирустәи чмазарақәа:
Аҿкчымазарақәа, ихьанҭаны ма ибжьаратәны имҩасуа, иҿкым, иулаҽны иҟоу ачымазарахкқәа рӷыӷкра – ачымазара аҽҵәылхраамҭаа, агәабзиарашьақәгылара ашьҭахьтәи ҩба-ԥшьба мчыбжьы.
Ареспиратортә вирустә чмазарақәа имарианы рхысраан, аца-кьатеитә уҳәа аҿкратә чымазарақәа рыҟазаараан – ашоура аҭыԥ аҿы илеиаанӡа.
"ЭпиВакКорона", "ЭпиВакКорона-Н", "КовиВак" рыҟаҵара азин ыҟам зхаҭашьа бааԥсу аҿыцҟалара аан.
Аԥҳәыс лцәа анылтәыми агәыҳәԥы ахәыҷы данаҵоуи рзин ыҟам алаҵақәа - "КовиВак", "Спутника Лайт", "ЭпиВакКорона", "ЭпиВакКорона-Н", "Спутник-М", "Гам-КОВИД-Вак-Лио".
Акоронавирус аҟынтәи урыстәылатәи алаҵа "Спутник V" адунеи аҟны раԥхьаӡатәи ашәҟәы иҭагалоу лаҵоуп акоронавирус арԥсыҽразы. Иара азхаҵара амоуп 70 ҳәынҭқарра рыҟны.
Иара убас, Урыстәыла иаԥырҵеит егьырҭ алаҵақәагьы: новосибирсктәи ацентр "Вектор" иаԥнаҵаз "ЭпиВакКорона", Урыстәылатәи аҭҵаарадыррақәа ракадемиа иатәу М.П. Чумаков ихьӡ зху Аиммунологиатә препаратқәа рыҭҵаареи аус рыдулареи рфедералтә ҭҵаарадырратә центр иаԥнаҵаз "КовиВак", "Спутник Лайт", ахбыџқәра азын "Гам-КОВИД-Вак М".