АҞӘА, ажьырныҳәа 26 - Sputnik. Аҟәа ақалақь ахада Беслан Ешба аҳҭнықалақь абжьаратә зеиԥшҵаратә усбарҭақәа акарантин азы раркразы аусԥҟа инапы аҵаиҩит. Абри атәы кьыԥхьуп ақалақь ахадара асаит аҿы.
Ашколқәа аркызаауеит ажьырныҳәа 27 инаркны жәабран 4 рҟынӡа.
Ари аҩыза аӡбамҭа идикылеит аепидҭагылазаашьа ахьеицәахази арҵаҩцәа рыбжьара акоронавирус здырбалаз рхыԥхьаӡара иахьацлази иахҟьаны Аҟәа ахадара аҵара аусбарҭа аиҳабы Асҭанда Ҭаркьылԥҳа иҟалҵаз аҳәара инақәыршәаны.