АҞӘА, ажьырныҳәа 26 – Sputnik. Шәача анапхгара адырра ҟарҵоит ииасыз уахыки-ҽнаки рзы ашәҩатә курортқәа рҿы ф-сыԥсак леит ҳәа. Иҵысыз асы 20 000 куб. метр ыҟоуп ҳәа аҩуеит РИА Новости.
Асыԥсақәа ҩба ларышьҭит, даҽа ԥшьба рхала илеит.
Акурорт аҿы зыԥсы зшьоз аӡәгьы ԥырхага имоуит.
Аиқәырхаҩцәа ирҳәоит аиҳарак асы ахьлеиуа 30 градус анаара змоу аҿҟьарақәа рҿоуп ҳәа, аиҳаракгьы аҵлақәеи ачықьқәеи ықәымиаауазар. Асыԥсалеираан асы уаҵамхарц иара амҩа уаныҵроуп ма даҽа ҽыҵәахырҭак ыҟамзар, ҵла дук уавагылароуп.