АҞӘА, ажьырныҳәа 28 – Sputnik. Аԥсны аекскурсиа амҩаԥгаҩцәа рзанааҭеидгыла ахаҭарнакцәа алацәажәеит ари аусхк аҟны азакәанԥҵара иалагалатәу азҵаарақәеи атәылаҿ маӡала аус зуа аекскурсиа амҩаԥгаҩцәа ирыдҳәалоу ауадаҩрақәеи ҳәа адырра ҟанаҵоит Аԥсны атуризм аминистрра Facebook ахатәы даҟьаҿ.
Еизаз иазгәарҭеит аҵыхәтәантәи аамҭазы ишырацәахаз аекскурсиамҩаԥгаҩцәа атәыла аҭоурых еицакны иахцәажәо. Аминистрра ари аҩыза аҭагылазаашьа ҟалашьа змам акәны иахәаԥшуеит.
Аиԥылараҿы аекскурсиамҩаԥгаҩцәеи, амҩаԥгаҩ-еиҭагаҩцәеи, атуризм азы аинструкторцәеи рырҵаратә центрқәа рахь ашәҟәҟкәа рыдкылара аамҭа арыцхә азгәарҭеит.