АҞӘА, ажьырныҳәа 30 - Sputnik, Сариа Кәарцхьиаԥҳа. Астанциа маҷ НИИЕПиТ аҿы иҟалаз аԥхасҭа аамҭала аҭыԥ иқәырҵеит ажьырныҳәа 29 ахәылԥаз, Аҟәа агәи аџьармыкьа иахьаҵанакуеи ауаа алашара рырҭеит ҳәа Sputnik акорреспондент илзеиҭеиҳәеит Аҟәатәи афымцаҳақәа русбарҭа аиҳабы Ҭемыр Џьынџьал.
"Макьана ари апроблема аамҭалоуп ишаҳаӡбаз. Зегь реиҳа ихадоу - ауаа алашара рымоуп. Нас 12-тәи аихшарҭатә станциа маҷ шьаҭанкыла аҭыԥ иқәҳҵоит. Зегьы ишақәнагоу иҟаҳҵоит", - иҳәеит Џьынџьал.
Иаха Аҟәа даҽа авариак ҟалеит, Назаӡе лымҩа ахәҭак лашарада иаанхеит. Уажәы уа аремонт ҟазҵо абригадақәа аусура иаҿуп. Шьыбжьанӡа иҟарҵап ҳәа агәыӷра рымоуп.