АҞӘА, жәабран 4 - Sputnik. Урыстәыла анемец телерадиоеилахәыра Deutsche Welle аусура аанкылахоит ФРГ ателеканал RT DE аганахь ала ахымҩаԥгашьа аҭакс ҳәа аҳәоит атәыла Адәныҟатәи аусқәа рминистрра асаит.
Москва Deutsche Welle урыстәылатәи абиуро акорреспонденттә пункт анаркуеит атәыла аҵакыраҿы, аусзуҩцәа зегьы раккредитациа аԥырырхоит.
Иара убасгьы аусбарҭа гәҭакыс иамоуп ателерадиоеилахәыра аҳәаанырцәтәи агент инапынҵақәа назыгӡо амассатә информациатә хархәагоуп ҳәа азҵаара ашьҭыхра.
Урыстәыла ААР иазԥхьагәанаҭоит ФРГ аҳәынҭқарратәии ауаажәларратәии еилазаарақәак рхаҭарнакцәа, RT DE аркра иацхраауаз, Урыстәыла аҵакыра ралалара азин аанкылара.
АИХқәа рхылаԥшразы акомиссиа ателеканал RT DE немец бызшәала ФРГ аусура аннакылеит жәабран 1 азы. Ателеканал АИХқәа рзы алицензиа амаӡам ҳәа иԥхьаӡаны.