АҞӘА, жәабран 4 - Sputnik. Абылтәы еилахәыра "Апсны-Ойл" адиректор хадас даҭоуп Москва иҟоу "Аԥсны Аҳәынҭқарра Жәларбжьаратәи акультура-усутә центр" афонд анапхгаҩы Олег Лакоба, ҳәа аҩуеит РИА Новости.
Лакоба ари аҭыԥ аҿы диԥсахит аҽа усурак ахь ииасыз Кама Ашәԥҳа.
Аилахәыраҿ иазгәаҭан ииасыз ашықәс азы "Апсны-Ойл" ахылаԥшрала ишыргылаз абылтәы-ҭаҭәарҭатә комплексқәа (ТЗК) хԥа Аҟәеи, Очамчыреи, Гәдоуҭеи – "Подорожник".
Гагра араион аҿы иалагоуп ҳаамҭазтәи ауаҩы иус зҭахым анефҭбаза, адунеитә техникатәи екологиатәи аҿырԥшқәа ирықәшәо.
2014 шықәса лаҵарамзазы Аԥсны аиҳабыра аилахәыра "Апсны-Ойл" азин анаҭеит Очамчыра, Гал, Тҟәарчал араионқәеи Амшын еиқәа аӡеизакырҭа Мрагыларатәи ахәҭеи рыҟны арацәаӡри агеологиатә ҭаԥшыхәреи, аҭҵаара, аҵхреи рзы. 2018 шықәса хәажәкыразы "Апсны-Ойл" аиқәшаҳаҭра аҿҳәара иацнаҵеит, иарбаз аҿҳәарақәа ахьазымхоз азы.
"Апсны-Ойл" ахолдинг "Апсны-Групп" иалахәуп, ҳтәылаҿы "Апсны-Ойл" акорпоративтә программақәа рхы иадырхәоит 60 рҟынӡа акоммерциатәии аҳәынҭқарратәии наплакқәа.