АҞӘА, жәабран 7 - Sputnik. Акоронавирустә инфекциа COVID-19 аҽеиҭакра амҩа ианысуеит, убри аан хырхарҭак ала, "омикрон" аҿиара нҵәом ҳәа иҳәеит арадио Sputnik аҿы авирусолог, РАН алахәыла-корреспондент, В.А. Енгельгардт ихьӡ зху амолекулиартә биологиа Аинститут алабораториа аиҳабы Пиотр Чумаков.
Ухантәи аштамм зықәра ыҟаз ауаа роуп еиҳа издаапкылоз, аха акоронавирус аҽеиҭакра ашьҭахь SARS-CoV-2 ауаатәыҩсатә еилазаара зегьы ирнышәеит, уажәы еиҳа инарҭбааны аҿкра рылаҵәоит ҳәа иҳәоит Чумаков. Уажәы авирус аҽеиҭакра хырхаҭа хадас иамоу аҽырҭбаароуп ҳәа азгәеиҭоит иара.
"Авирус аԥхьатәи аштамм ухантәи, зиммунитет лаҟәыз абыргцәа ракәын еиҳа ааха знаҭоз, аха нас авирус аҿкра арҭбааит, егьырҭ ақәрақәагьы ааха рнаҭо иалагеит", - ҳәа иҳәеит Чумаков.
Акоронавирус аҿиара "омикрон" ахь икылнагеит. Ари аштамм ахәыҷқәа риммунитетгьы иаиааиуа иалагеит иҳәоит авирусолог.
"Ахәыҷқәа назлоу зегьы риммуннтә система иаиааиит. Ари зыхҟьаз авирус ауаатәыҩса ирылашьцылеит ауп", - иҳәеит авирусолог.
Акоронавирус аамҭақәак рышьҭахь еиҳагьы иҿкыр алшоит, аха убри аан ашәарҭара иеиҵахар ҟалоит ҳәа иҳәеит авирусолог Пиотр Чумаков.
Аҿиара иахьмырԥшыкәа COVID-19 аҽацәыхьчара ҳәа иҟоу ес-шықәсыбжа алаҵа аҟаҵароуп ҳәа азгәеиҭоит авирусолог.