АҞӘА, жәабран 8 - Sputnik. Раԥхьатәи акоммерциатә хәҭа 200 кьыла амимозашәҭ Аԥснынтәи Урыстәылаҟа ииагоп, абри атәы аанацҳауеит Краснодартәи аҳазалхра Шәачатәи аҟәша апресс-маҵзура.
2021 шықәсазы аҳәаа иахыган 150 тонна ашәҭ. Сынтәагьы ҵыԥхтәи арбагақәа иреиҵамкәа иҟалар алшоит ҳәа азгәаҭоуп.
Амимоза рацәаны Урыстәылаҟа аҭиразы ииазго аҳәааҿы адекларациа хаирҭәаароуп. Закәаншьаҭада ииазго ахараԥса дыршәахоит. Ахатәы хыкәкыс изманы ииазго рзын 15 махәҭа аиагара азин имоуп уи еиҳахаз ашәҟәы иҭаргалароуп.
Амимоза шәҭы иахәҭоу аҳауа ԥхарра аҭаны иҷыдоу ақьаад илаҳәаны амҩа иқәыргалоит. Аидара аҳәаа иахыргоит иахәҭоу аусмҩапгатәқәа ирхыганы аамҭа кьаҿла.