АҞӘА, жәабран 9 – Sputnik. Урыстәыла агәабзиарахьчара аминистрра QR-кодқәа ауааԥсыра рыҭараз аԥҟарақәа аԥсахит ҳәа аҩуеит РИА Новости азинтә информациа аинтернет-портал аҿы икьыԥхьыз адыррақәа шьаҭас иганы.
Жәабран 21 инаркны урыстәылауаа QR-кодқәа роуеит ацәеижьҿагылақәа ргәаҭаразы атест анарҭалак ашьҭахь.
Уаанӡа шықәсык ҿҳәарас измаз QR-кодқәа алаҵа ашьҭахь акәын ианурҭоз. Ари аҩыза акод роуан ачымазара зхызгазгьы. Алаҵа змам урыстәылауааи ПЦР-тест зауз аҳәаанырцәуааи акод рырҭон.
Асубиектқәа рҿы иҟоу аԥҟарақәа рыла QR-кодқәа аҭахуп акаҳуажәырҭақәа, аресторанқәа, амузеиқәа, аконцертқәа рҭаараан, аҳәаанырцәҟа ацараан.