АҞӘА, жәабран 11 - Sputnik. Гәдоуҭа араион ашколқәеи ахәыҷбаҳчақәеи ркарантинаамҭа иацҵоуп жәабран 18 рҟынӡа. Абри азы адҵа ҟаиҵеит араион ахада Баграт Боџьгуа.
Асеиԥш аӡбра рыдкылоуп аепидемиологиатә ҭагылазаашьа ауадаҩхара иахҟьаны, ачымазара алаҵәара алмыршаразы.
Ажьырныҳәа 31 аахыс Гәдоуҭа араион аҵаратә усҳәарҭақәа акарантин ахь иоужьуп.
Уи аԥхьа акарантин аҿҳәара иацҵан Аҟәа ақалақь ашколқәа рҿы. Аԥсны егьырҭ араионқәа рҿы акарантин рылагалоуп ажьырныҳәа 27 аахыс.