АҞӘА, жәабран 20 - Sputnik. Жәларбжьаратәи аолимпиатә еилакы ахада Томас Бах XXIV Аӡынтәи Аолимпиатә хәмаррақәа хыркәшоуп ҳәа рылеиҳәеит, аолимпиатә мца дырцәеит, абри атәы аанацҳауеит Р-Спорт.
Аолимпиада ахыркәшара ацеремониа мҩаԥысит аспортсменцәа рҿаԥхьа, уи иалахәын Урыстәыла еизгоу акомандагьы, Урыстәыла Аолимпиатә еилакы абираҟ кны дымҩасуан ашәаҩатә еиԥхныҩларазы аолимпиатә хәмаррақәа рҟны хынтә ахьтәы медал иаиааихьоу Александр Большунов.
Аолимпиатә хәмаррақәа-2022 раан урыстәылатәи акоманда зынӡа 32 медал иаиааит (ахьы - фба, араӡны -12, аџьаз - 14). Амедалқәа рзеиԥш хыԥхьаӡарала Урыстәыла аҩбатәи аҭыԥ ааннакылеит, норвегиатә аокманда ашьҭахь (37).
Амедалқәа рхаҭабзиарала акәзар (ахьтәы медалқәа шаҟа ириааиз иаҿырԥшны), Урыстәыла ажәбатәи аҭыԥ аҿы игылоуп.
XXV аӡынтәи Аолимпиатә хәмаррақәа мҩаԥысраны иҟоуп жәабран 6-22 рзы Милани Кортина-д'Ампеццои ақалақьқәа рҿы.