АҞӘА, жәабран 21 – Sputnik. Аԥсны Адәныҟатәи аусқәа рминистрра Донбасс иҟоу аҭагылазаашьа ахҳәаа анаҭеит ҳәа аанацҳауеит аусбарҭа апресс-маҵзура.
"Иаалырҟьаны, Украина иарӷыӷкыз Донбасс иҟоу аҭагылазаашьа иаанарԥшуиет киевтәи амчрақәа рҭахрақәа ақәыларатә ҟазшьа шамоу, ишырҭахым Минсктәи аиқәшаҳаҭрақәа рынагӡара", - ҳәа аҳәоит адырраҭара.
Аԥсны Аҳәынҭқарра адәныҟатәи аусқәа рминистрра аҟны ирҳәеит Украина алада-мрагыларатәи ахәҭаҿы имҩаԥысуа ахҭысқәа ишрышьклаԥшуа. Агәыӷрагь аадырԥшуеит аҭагылазаашьа ҭынч мҩала аҭыԥ иқәҵахап ҳәа.
Аԥсны Аҳәынҭқарра ауааԥсыра Донбасс аҭынч уааԥсыра зҭагылоу ауадаҩрақәа ргәы арҭынчуам, иазыхиоуп агуманитартә цхыраара аҟаҵара ҳәа азгәарҭеит Аԥсны ААР аҟны.
Аԥсны ахада ДЖәРеи ЛЖәРеи рҭагылазаашьа инамаданы амчратә усбарҭақәа анапынҵақәа риҭеит. Аԥсны АҶА ахҵәацәа рыдкыларазы аҭыԥқәа архиарацаз анапынҵа ҟаиҵеит.
Иара убас, Бжьаниа анапынҵа ҟаиҵеит Аԥсны АШәМ аҟәша ҷыдақәа, Арратә мчрақәа, Аԥсны ААР аҽазыҟаҵара ҷыдақәа агәҽанҵара рымазарц Қырҭтәыла аганахь ала аичырчара аԥшьгахар.