АҞӘА, жәабран 21 – Sputnik. ДЖәР аҵакыраҿтәи аҳаиртә баӷәазаҿ аԥжәара ҟалеит ҳәа аанацҳауеит РИА Новости ахҭыс ахьыҟалаз иҟаз акорреспондент иажәақәа шьаҭас иҟаҵаны.
Ажурналист иажәақәа рыла зныктәи аԥжәара аҭыԥ аман.
Уаанӡа ДЖәР Жәлар рмилициа адырра ҟарҵахьан авокзал араион аҿы украинатәи адиверсант ихатәы рҭҟәацга дахаԥжәеит ҳәа.
Аҵыхәтәантәи аамҭақәа рзы Донбасс аҭагылазаашьа еибарххоуп, арҭҟәацбжьы акыр инахаран иуаҳауан. Аҭынч уааԥсыра Урыстәыла аҵакырахь иахыргоит, азеиԥш ҽеизакра рылаҳәоуп, аамҭа-аамҭала ареспубликақәа рҵакырақәа ирылахысуеит.
ДЖәР анапхгара ишырҳәо ала, хара имгакәа Киев Донецки Лугански ареспубликақәа рықәлара гәҭакыс ирымоуп.