АҞӘА, жәабран 21 - Sputnik. Краснодартәи аҳазалхыҩцәа аурыс-аԥсуа ҳәааҿы иааныркылеит закәаншьаҭада Аԥсныҟа ииаргоз ԥшь-тоннак азоттә-рҵәыга. Абри атәы аанацҳауеит Краснодартәи аҳазалхырҭа Шәачатәи апресс-маҵзура.
Аушьҭырҭатә ҭыԥ "Адлер" аҿы Урыстәылантәи Аԥсныҟа иаауаз аидарамҩангага-автомашьына ГАЗель ааныркылеит.
Атауар иацыз адокументқәа ишырҳәоз ала ииаргон 2,4 тонна арҵәыга.
Амашьына агәаҭараан иаарԥшын аидара акапан ҩынтә ишеиҳаз, 4,5 тонна шыҟаз.
Ԥхынҷкәын 1 2021 шықәса раахыс Урыстәыла ааглыхҭира аминистрра азакәан ҷыда ашьаҭалоуп арҵәыгақәа рекспорт шымҩаԥырго.
Атауар аазгоз абри аҩыза ашәҟәи егьырҭ иахәҭаны ишьоу адокументқәеи имамызт.
Краснодартәи аҳазалхыҩцәа административтә зинеилагара ҳәа ҩ-уск хацнаркит.