АҞӘА, жәабран 23 - Sputnik. Афедерациа Ахеилак Владимир Путин иҟаиҵаз азыҳәала урыстәылатәи ар атәыла анҭыҵ, аҳәаанырцә рыҟазаара иақәшаҳаҭхеит ҳәа аанацҳауеит РИА Новости.
Ари азы рыбжьы арҭеит 153-ҩык асенаторцәа. Иаҿагылози зҽаанызкылази ыҟамызт.
Апалата аиҳабы Валентина Матвиенко лажәақәа рыла, азҵаара аартны иахәаԥшаанӡа иара аконституциатә еилазаарала, атәылахьчареи жәларбжьаратәи аусқәеи рзы аилак аҟны иалацәажәахьан.
Аиҿкаарақәа рхыԥхьаӡареи, иахьгылоу араионқәеи, шаҟа аамҭа иҟазаауа уҳәа атәыла ахада аконституциа инақәыршәаны ишьақәирӷәӷәоит.