АҞӘА, жәабран 23 - Sputnik. Аԥсны иҟоу Аладатәи арратә округ аррамаҵзурауаа аибашьра Ду аветеранцәа жәабран 23 рыдырныҳәалеит ҳәа аанацҳауеит ААО апресс-маҵзура.
Аветеран Екатерина Синиавскаиа арратә оркестр амузыкантцәа лара лзы инарыгӡеит аибашьраамҭатәи ашәақәа - "Катиуша", "Аиааира амш". Ауснагӡатә мҩаԥган асанитар-епидемиологиатә нормақәа ирықәныҟәаны.
Аветеран Екатерина Синиавскаиа
© Foto / Пресс-служба Южного военного округа
Аибашьра аветеран аруаа рыдныҳәалара деигәырӷьеит, ларгьы ирзеиӷьалшьеит агәабзиара зҩыда, ашықәснҵыра ду. Акомандаҟаҵара рыхьӡала иланашьан аҳамҭақәа.
Урыстәылатәи аруаа еснагь аветеранцәа ирыдырныҳәалоит Аԥсадгьыл ахьчаҩ Имши Аиааира Амши.
Аибашьра Ду иалахәын 55 000-ҩык Аԥсны ауааԥсыра. 17,5 нызқьҩык рышьҭахьҟа изыхнымҳәит. 22-ҩык Асовет Еидгыла афырхаҵа ҳәа ахьӡ иаԥсахеит.