АҞӘА, жәабран 28 – Sputnik. Урыстәыла ахада Владимир Путин франциатәи иколлега Еммануель Макрон даниацәажәоз иҳәеит урыстәылатәи Арбџьармчқәа Украина аҭынч уааԥсыра ашәарҭара ишҭадмаргыло иара убас, аграждантә хыбрақәа ааха шрырымҭо, абри атәы аанацҳауеит Кремль апресс-маҵзура.
"Урыстәыла ахада ахшыҩ зышьҭра аиҭеит, урыстәылатәи Арбџьармчқәа Украина аҭынч уааԥсыра ашәарҭара ишҭадмаргыло, аграждантә хыбрақәа ааха шрырымҭо. Ашәарҭара зхылҵуа украинатәи амилаҭеилыхцәа шракәу, урҭ аҭынч уааԥсыра хыхьчагас ишыҟарҵаз. Аиланхарҭа ҭыԥқәа рҿынтәи Донбасс ақалақьқәа ирылахысуеит", - ҳәа аҳәоит аҳәамҭаҿы.
Путин иара убасгьы иазгәеиҭеит, Украина акәша-мыкәша аҭышәнартәалара алзаршо закәанла Урыстәыла аинтерес зыхьчо ашәарҭадара шакәу.
Урыстәыла ахада Владимир Путини Франциа ахада Еммануель Макрони еибырҳәеит аимадараҿ иҟазарц.