АҞӘА, хәажәкыра 3 – Sputnik. Аԥсны, Ермантәыла, Аахыҵ Уаԥстәыла иҟоу арратә базақәа ртанктә екипажқәа атанктә биатлон азы аицлабрақәа рыҽрыздырхиоит ҳәа аанацҳауеит Аладатәи арратә округ апресс-маҵзура.
Аицлабрақәа ирылахәхо зегьы ҳаамҭазтәи атанкқәа Т-72Б3 рыла еиндаҭлоит.
Атанкныҟәцаҩцәа атехника рнапахьы ишаарго, иарала иарбоу ацәҟьарақәа ишрықәдыршәо уҳәа аадырԥшыроуп.
Аҽазыҟаҵарақәа раан ҷыдала иашьклаԥшуеит атрасса аштрафтә очкоқәа умамкәа рхысра, ацәҟьара ақәыршәара. Акомандақәа рҵара мҩаԥыргоит еиуеиԥшым арратә еиндаҭларақәа рлахәылацәа, жәларбжьаратәи ахәмаррақәа риааиҩцәа.
ААО акомандаҟаҵара иазгәанаҭоит аррамаҵзурауаа разыҟаҵара аҩаӡара ҳарак шамоу, аекипажқәа зегьы шыхиоу.