Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны иҟоу ААО аррамаҵзурауаа жәларбжьаратәи арратә еицлабрақәа АрМИ-2022 рҽырзыҟарҵоит

© Foto / пресс-служба Южного военного округа Разведчики ЮВО в Абхазии приступили к горной подготовке на полигоне в Республике Северная Осетия – Алания
Разведчики ЮВО в Абхазии приступили к горной подготовке на полигоне в Республике Северная Осетия – Алания  - Sputnik Аҧсны, 1920, 21.01.2022
Анапаҵаҩра
Yandex newsTelegram
Аицлабра актәи ахәҭа иалахәхоит 500-ҩык рҟынӡа Аԥсны иҟоу Аладатәи арратә округ аԥшыхәратә ҟәшақәа рыррамаҵзурауаа.
АҞӘА, ажьырныҳәа 21 - Sputnik. Аԥсны иҟоу Аладатәи арратә округ аԥшыхәцәа апрофессионалтә ҟазараз аицлабра АрМИ-2022 "Арратә ԥшыхәра аҟазауаа" иалахәхоит, ҳәа аанацҳауеит ААО апресс-маҵзура.

Аицлабрақәа рҽазыҟаҵара аҳәаақәа ирҭагӡаны аԥшыхәҩцәа еиуеиԥшым абџьархқәа рҟынтәи ахысра, аверталиот ала атәара, аҭыҵраз анормативқәа, аӷа ишьҭахь ала анеира уҳәа, мҩаԥыргоит Аԥсны ашьхаратә ҭыԥқәеи Амшын еиқәа аԥшаҳәеи рҿы.

Аруаа рхы иадырхәоит еиуеиԥшым алашара-бжьыргаратә хархәагақәа, иахьынӡазалшо аибашьратә ҭагылазаашьа иазааигәахарц.
Аицлабра актәи аетап аан алахәылацәа рымч-рылша, рхысшьа, аԥкырақәа рывсшьа, аӡиасқәа рырсшьа, ашьханыҟәара уҳәа аадырԥшуиет.
Аладатәи арратә округ аԥшыхәратә хәҭақәа иреиӷьу аҟәшақәа анаҩстәи аиндаҭларақәа ирылахәхоит. Жәларбжьаратәи аетап алахәхара азин аиуеит аицлабра аетапқәа зегьы рҿы аиааира згаз акоманда.
Ажәабжьқәа зегьы
0