АҞӘА, хәажәкыра 4– Sputnik. Украина ахада Владимир Зеленски атәыла ааныжьны Польшаҟа дцеит, абри атәы Telegram аҟны иҩуеит Урыстәыла Аҳәынҭдума аиҳабы Виачеслав Володин.
"Зеленски Украина аанижьит. Иреиҳаӡоу Арада адепутатцәа ирҳәеит атәыла ахада иахь Львовҟа ишзымнеиз. Уажәшьҭа иара Польша дыҟоуп", - ҳәа иҩуеит Володин.
Уаанӡа, Зеленски атәыла ауааԥсыра рахь иҟаиҵаз авидеоааԥхьараҟны иҳәеит, "Урыстәыла ар зегьы Украина иагәыдҵоуп ҳәа".
Урыстәыла имҩаԥнагоит Украина адемилитаризациеи аденацификациеи рзы иҷыдоу арратә операциа Донбасс ауааԥсыра реиқәырхаразы.