АҞӘА, хәажәкыра 7 - Sputnik. Урыстәыла гәцәыхьшәашәарала ирыдыркылеит Украина бџьарла аиқәыршәаразы Германиа аӡбамҭа, абри азы аҳәамҭа ҟаиҵеит ААР Европатәи адепартамент ахада Олег Тиапкин.
"Германиа рмилаҭтә закәанқәеи аиуристтә ԥкрақәеи еилаганы ирыдыркылаз аӡбамҭа ҳгәы ацәцеит", - иҳәеит Тиапкин.
Адипломат иажәақәа рыла, иҭышәынтәалам уажәтәи аамҭазы бџьарла аиқәыршәара "атеррористцәеи аимҵәацәеи рзы ԥыхьашәа бзиуоп".
Уаанӡа Урыстәыла ААР ахаҭарнак ҷыда Мариа Захарова аҳәамҭа ҟалҵахьан, Германиа анапхгара ҩ-нызқь ПЗРК "Стрела-2", хәышә ПЗРК "Стингер", атанкрҭҟәацгақәа "Панцерфауст" зқьы цыра, 14 ак аибашьыгатә техника Украинаҟа анагара ргәы ишҭаз.