АҞӘА, хәажәкыра 9 - Sputnik. Урыстәыла аамҭала атәыла иалганы аҳәаанырцәтә медицинатә маҭәахәқәа ргара азин ааннакылеит. Абри азы ақәҵара инапы аҵаиҩит Урыстәыла аиҳабыра рхада Михаил Мишустин.
Адокумент аҿы иаҳәоит асанкциақәа рыҽрылазырхәыз аҳәынҭқаррақәа рҟынтәи иаагоу, уажәы аимпортиорцәа рыҵәахырҭақәа рҿы ишьҭоу ма аҳазалхратә процедурақәа ирхысуа амедицинатә аалыҵқәа шракәу изыхцәажәо.
Аиҳабыра рыӡбара Урыстәыла аҵакыраҿы иалагалоу асанкциақәа ирхырҟьаны амедицинатә маҭәахәқәа рдефицит аҟамлара иазырхоуп.