АҞӘА, хәажәкыра 10 - Sputnik. Урыстәыла атәылахьчара аминистрра хара имгакәа Украина иҟоу абиолабораториақәа рзы адокументқәа ркьыԥхьуеит, рекспертизақәа раарԥшра цәырыргоит ҳәа ажурналистцәа ирзеиҭеиҳәеит Урыстәыла атәылахьчара аминистрра ахаҭарнак, аинрал-маиор Игор Конашенков.
Урыстәыла атәылахьчара аминистрра украинатәи абиолабораториақәа русзуҩцәа рҟынтәи ироуз адокументқәа анализ рзыҟаҵара мҩаԥыргоит", - ҳәа иҳәеит Конашенков.
Иара иажәаәқа рыла, урыстәылатәи арадиациатә, ахимиатә, абиологиатә хьчаразы аҟазауаа иҭырҵааит адокументқәа. Урҭ рҟны иарбан ЕАА ахаҭарнакцәа рыдҵала Украина игаз ауаҩытәыҩсатә биоматериал аҳәаанырцәтәи аҳәынҭқаррақәа ишрыҭаз.
"Хара имгакәа ҳара иаҳкьыԥхьраны ҳаҟоуп украинатәи абиолабораториақәа русзуҩцәа рҟынтәи иҳауз адокументқәа, урҭ рекспертизақәа цәыраагоит", - ҳәа иҳәеит аинрал.
Конашенков иара убасгьы иазгәеиҭеит, Пентагон аԥара ззоунажьуаз абиологиатә ҭҵаарақәа Украина иаԥҵан анырҵәага чымазараԥҵара аларҵәара амеханизм аус аруразы.
Иара ишиҳәо ала адокументқәа иаадырԥшуеит америкаа Украина 2022 шықәсазы аԥсаатә, аҳәазақәа, ахәлыԥҵысқәа рпатоген ала аусура шрыгәҭакыз, анаҩс урҭ амырза, аиагара шрылшо аҭҵааразы.
"Пентагон аԥара ззашәоз абиологиатә ҭҵаарақәа хықәкыс иаман анырҵәагатә патогенқәа маӡала раларҵәара", - иҳәеит аинрал.