АҞӘА, хәажәкыра 12 - Sputnik. Урыстәылатәи ар украинатәи арратә мчрақәа ррадиоԥшыхәратә центр шьақәырҟьеит ҳәа аҩуеит РИА Новости, Атәылахьчара аминистрра аофициалтә хаҭарнак Игор Конашенков абрифинг аҿы иқәгылара шьаҭас иҟаҵаны.
"Хәажәкыра 12, ашьыжь Украина арратә инфраструктурақәа ирықәкны ихысын. Аусура ԥкуп Васильковтәи арратә аеродром, Бровар иҟаз арадиоԥшыхәратә центр", — иҳәеит Конашенков.
Аоператив-тактикатәии арратәии авиациа иҭадырхеит УАМ 145 обиект: азенит-ракетатә комплексқәа "Бук М-1" хԥа, аимадара анапхгараҭаратә ҭыԥқәа ааба, аџьаԥҳаны ахьышьҭаз аҵәахырҭақәа ааба, аибашьыга техника агыларҭақәа 78.
Урыстәылатәи ар рыцхыраарала ДЖәР Жәлар рмилициа даҽа 9 километрак ԥхьаҟа инаскьеит, хылаԥшра рырҭоит Валериановкеи Зеленыи Гаии, Новоандреевка иахыкәшаны игылоуп.
ЛЖәР ар Суровцевка, Шьедришьев, Житловка рнапахьы инаргеит, Рубежное амҵан игылоуп.
Урыстәылатәи ар жәыларала Новодонецкое, Новомаиорское, Павлово рахь инеит, уахыки-ҽнаки рыла 21 километр ԥхьаҟа ицеит.
Уаанӡа Владимир Путин Украина имҩаԥысуа арратә операциа далацәажәо иҳәеит атәыла аоккупациа аӡәгьы ишигәҭакым. Аоперациа ахықәкы Донбасс ауааԥсыра рыхьчароуп ҳәа азгәеиҭеит.