АҞӘА, хәажәкыра 15 - Sputnik. Владимир Зеленски иофис ахада иабжьгаҩ Алексеи Арестович Урыстәылеи Украинеи рыбжьара аҭынчраз аиқәшаҳаҭра алыршахар ҟалоит мчыбжьык аҩнуҵҟа ҳәа иҳәоит. Иара абри аҩыза аҳәамҭа ҟаиҵеит ажурналист Марк Феигин YouTube-канал аҿы.
"Урыстәылеи Украинеи рыбжьара аҭынчраз аиқәшаҳаҭра алыршахар ҟалоит лаҵарамза иахымгакәа. Иҟалоит иҵегь ирццакхаргьы. Мчыбжьык-ҩымчыбжь рыҩнуҵҟа ар шьҭахьҟа иалганы аҭынчраз аиқәшаҳаҭра иазкылсыр алшоит. Ианамуӡа лаҵарамза анҵәамҭанӡа. Даҽа еиԥыларак ашьҭахь", - иҳәоит Арестович.
Урыстәыла-украинатәи аиҿцәажәарақәа аԥшьбатәи рраунд мҩаԥысит ашәахьа, авидеоконференциа арежим ала. Аиҿцәажәарақәа реихшьаалақәа рыла Зеленски иофис ахада Михаил Подолиак атехникатә ааҭгылара ҟаҵоуп, аиҿцәажәарақәа аҩаша ирыцҵахоит ҳәа аҳәамҭа ҟаиҵеит.