АҞӘА, хәажәкыра 18 – Sputnik. Урыстәыла Абанк азыԥҵәа хада 20% иҟоу арекордтә ҩаӡара еиқәнархеит ҳәа аҳәоит аҳәаақәҵаҩ апресс-релиз.
2021 шықәсазы аҳәаақәҵаҩ азыԥҵәа хада бжьынтә ишьҭнаххьан - 4,25 процент рҟынӡа. 2022 шықәсазы даҽа проценттә пунктк аҟынӡа - ашықәстә 9,5%.
Агеополитикатә ҭагылазаашьақәеи Мраҭашәаратәи асанкциақәеи ирыхҟьаны амааҭ алаҟәра иалагеит. Аџьармыкьаҿы ахәԥсақәа рҽеиҭаркуа иалагеит. АХ убри инадҳәаланы азыԥҵәа хада шьҭнахит – 10,5 процент рҟынӡа, ашықәстә 20% рҟынӡа.
"Урыстәыла Абанк адиректорцәа Рхеилак 2022 шықәса хәажәкыра 18 рзы аӡбра аднакылеит азыԥҵәа хада 20% ишыҟоу иныжьзарц", – аҳәоит адырраҭараҿы.
РИА Новости зазҵаауаз аналитикцәа ирҳәеит ари аҩыза аӡбра ишазыԥшыз. Аекономистцәагьы ирҳәеит иҟоу аҭагылазаашьаҿы ари еиҳа арационалра злоу ӡбраны ишырыԥхьаӡо.
Уи адагьы, Урыстәыла Абанк аҳәамҭа ҟанаҵеит иааиуа аԥшьбарақәа рзы атәыла ВВП шеиҵахо, урыстәылатәи аекономикаҿ аҭагылазаашьа еицәахар шауа.