АҞӘА, хәажәкыра 19 – Sputnik. Украинатәи арадикалцәа уажәыгьы аҭынч уааԥсыра хыхьчагас рхы иадырхәоит, ишдыру ала 2,7 миллионҩык иахыҵны урыстәылаҟа ацара рҭахәуп ҳәа аанацҳауеит РИА Новости Урыстәылатәи Афедерациа Амилаҭтә центр ахыхьчаратә усбарҭа аиҳабы аинрал-полковник Михаил Мизинцев иҳәамҭа шьаҭас иганы.
"Есыҽны имҩаԥырго агәаҭарақәа рлҵшәақәа рыла ишьақәыргылоуп ииасыз уахыки-ҽнаки рзы мацара 7 223-ҩык шрыдҵаалаз, иаидкыланы абазаҟны ашәҟәы иҭагалоу зегьы ҩмиллионки 711-нызқьҩык ыҟоуп, урҭ рахьынтәи иҟоуп хаҭала иарбоу рыжәлақәеи рынхарҭа аҭыӡ ҭыԥқәеи", -ҳәа иҳәеит Мизинцев.
Иара иажәақәа рыла, 4,5 миллионҩык инреиҳаны Киев, Харьков, Чернигов, Сума уҳәа егьырҭ ақалақьқәеи ирыланхо аҭынч уааԥсыра украинатәи амилаҭеилыхыҩцәа инкыланы ирымоуп хыхьчагас, иара убас 6 830 ҩык 19 ҳәынҭкарра руааԥсыра.
Уи адагьы, Мизинцев иазгәеиҭеит Украина амшын баӷәазақәа рыҟны атәым ҳәынҭқаррақәа иртәу 70 ӷба рекипаж амацәаз ишҭаку.