АҞӘА, хәажәкыра 21 - Sputnik. Аҟәа ақалақь аҿы Лакоба имҩа Воронови Абазақәеи рымҩақәа ирыбжьаку ахәҭаҿы амашьынақәа рныҟәара аанкылахоит аҩаша хәажәкыра 22 асааҭ 9:00 инаркны, абри атәы аанацҳауеит ақалақь ахадара апресс-маҵзура.
Иарку амҩа ахәҭа аҭыԥан амашьынақәа ныҟәалар рылшоит Коӷониа имҩала.
Аамҭалатәи ауадаҩрақәа цәырҵит Абазақәеи Лакобеи рымҩақәа реихысырҭаҿы акаҭран аремонт ахьазыруа иахҟьаны.