АҞӘА, хәажәкыра 22 - Sputnik. Аԥсны аиҳабыра ачалых аџьармыкьаҿ анаплакыҩцәа рыдгылара иазыхиоуп лҳәеит аекономика аминистр Кристина Озган.
"Ача зыда ԥсыхәа ыҟам атауарқәа ирыҵанакуеит. Аиҳабырагьы абри аусхк иҷыдоу адгыларазы ауснагӡатәқәа рыхәаԥшра иазыхиоуп", - ҳәа лҳәеит Озган.
Аԥсны аекономика аминистрраҿы имҩаԥысыз аусбарҭеи ачалыхӡыҩцәеи реиԥылараан иҳәан ареспубликахь еиԥҟьарада ачашыла аагаразы иахәҭоу ауснагӡатәқәа шымҩаԥгатәу.
Ааглыхыҩцәа ирҳәеит ачаӡраз иаҭаху амарҭхәқәа бжьаратәла рыхәԥсақәа 30% рыла ишазҳаз. Дара ирҳәеит иҭрыжьуа аалыҵ акалькулиациа аҽшаԥсахуа, аизҳара аганахьала, аахәаратә хәыԥсақәа аекспортиорцәа есыҽны ишеиҭаркуа.
Аԥсны аекономика аминистр Кристина Озган аусбарҭа аусзуҩцәа рнапы ианылҵеит аҭагылазаашьа ҭырҵаарц, ахәқәа рынкыларазы ажәалагалақәа аздырхиарц, аҳәынҭқарратә дгылара азҵаара иахәаԥшырц.
Лара анаплакыҩцәа иралҳәеит аалыҵ алогистиказ аинформациа ныҭкааны иҟарҵаларц.