АҞӘА, хәажәкыра 23 - Sputnik. Ҭырқәтәыла Атәылахьчара аминистрра Амшын еиқәаҿы иӡсо аминақәа рзы аинформациа аганахьала ауснагӡатәқәа аднакылоит ҳәа иҳәеит Ҭырқәтәыла ахада Таиип Ердоган.
Арегион аҿы иҟоу аӷбақәа зегьы иӡсо аминақәа ыҟоу иҟаму иашьклаԥшларц аҳәара ҟарҵеит Ҭырқәтәыла АММ ҳәа аҩуеит агазеҭ Hürriyet.
"Абри инадҳәаланы Амилаҭтә хьчара аминистрра иахәҭаны иԥхьаӡоу ауснагӡатәқәа аднакылоит", - ҳәа иҳәеит Ердоган Нидерландқәа рԥыза-министри иареи имҩаԥыргаз апресс-конференциаҿ.
Уаанӡа аҟәатәи амшынтә баӷәаза акаԥдан Даур Ҭыжәба аҳәамҭа ҟаиҵахьан Аԥсны аҵакыратә ӡқәеи амшынԥшаҳәеи аӷбақәа рыӡсаразы ишшәарҭам, Амшын еиқәа аҩада-мрагыларатәи ахәҭа иахьаҵанакуазы ҳәа.
Амшын еиқәа аӡымҩасра ахсаалала аӷбақәа рзы еиҳа ишәарҭараны иҟоуп алада-мраҭашәаратәии аҩада–мраҭашәаратәии амшынхәҭақәа.