Украина абаӷәазақәа рҟынтәи аминақәа ӡхылар, Аԥсны амшынӡы азы ишәарҭахом иҳәеит Ҭыжәба

© SputnikВид на сухумскую бухту
Вид на сухумскую бухту  - Sputnik Аҧсны, 1920, 19.03.2022
Анапаҵаҩра
Иацы АИХқәа рҿы ицәырҵит Шәача абаӷәаза акаԥдан иҟаиҵаз агәҽанҵара, иара иажәақәа рыла, Украина Арра-мшынтә флот иатәу аԥырсалтә минақәа 429 рҭыԥ иахыҵны Амшын еиқәа иӡхылеит.
АҞӘА, хәажәкыра 19 - Sputnik. Аԥсны аԥшаҳәеи аҵакыратә ӡқәеи аӷбақәа рзы ишәарҭоу азонахь иаҵанакуам иааиуа мызкы иалагӡаны ҳәа адырра ҟаиҵеит Аҟәатәи абаӷәаза акаԥдан Даур Ҭыжәба.
Абри аҩыза аҳәамҭа кьыԥхьуп Аԥснытәи амшынӷбарныҟәара асаит аҿы.
Иацы АИХқәа рҿы ицәырҵит Шәача абаӷәаза акаԥдан иҟаиҵаз агәҽанҵара, иара иажәақәа рыла, Украина Арра-мшынтә флот иатәу, Одесса, Очаков, Черноморск, Аладатәи абаӷәазақәа рҿы ишьақәыргылаз аԥырсалтә минақәа 429 рҭыԥ иахыҵны Амшын еиқәа иӡхылеит. Убри иара зегьы ирбажьигеит Амшын еиқәа алада-мраҭашәаратәи, аҩада-мраҭашәаратәи ахәҭақәа рҿы аӷбақәа анхыло, агәаҽанызаара аадырԥшырц, урҭ аминақәа рыҵаԥжәар ахьрылшо азы.
"Аинформациа иазҿлымҳау зегьы адырра раҳҭоит Аԥсны Аҳәынҭқарра аԥшаҳәеи аҵакыратә ӡқәеи Амшын еиқәа аҩада-мрагыларатәи ахәҭаҿы ишыҟоу. Амшын еиқәа аӡқәа рымҩасшьа анализ ҟаҵаны, иазгәаҳҭоит иааиуа мызкы иалагӡаны ҳаӡқәа аӷбақәа рзы ишәарҭоу азонахь ишаҵанамкуа", - ҳәа ануп Ҭыжәба иҟаиҵаз аҳәамҭаҿы.
© Foto / Абхазское морское пароходство Карта течений Черного моря
 Карта течений Черного моря - Sputnik Аҧсны, 1920, 19.03.2022
Карта течений Черного моря
Аԥсны аӡқәа рҟынтәи Амшын еиқәа мраҭашәаратәи ахәҭахьы идәықәларц згәы иҭоу аӷбақәа ркаԥданцәеи рыԥшәмацәеи адырра рыҭоуп иҟоу ашәарҭаразы ҳәа иҳәеит Аҟәатәи абаӷәаза акаԥдан. Аҭагылазаашьа аҽаԥсахцыԥхьаӡа акаԥданцәа зегьы адырра рыҭалахоит ҳәа агәра диргеит Ҭыжәба.
Ажәабжьқәа зегьы
0