АҞӘА, хәажәкыра 24 - Sputnik. ЕАР Ашәарҭадаратә хеилак иаднамкылеит Украиназ Урыстәыла агуманитартә резолиуциа. 15 бжьы рҟынтәи ихымԥадатәыз 9 бжьык амоуит ҳәа аанацҳауеит РИА Новости.
Арезолюциаҿ иаанаԥхьон аиқәышаҳаҭрақәа рышьаҭала аҭынчуааԥсыра ралгаразы ахымца аанкылара алыршазарц. Адокумент иадгыланы рыбжьы арҭеит Урыстәылеи Китаии. Егьырҭ ЕАР Ашәарҭадаратә хеилак алахәылацәа рҽааныркылеит. Апроект ирыцеиқәзыршәаз авторцәа ҳәа иқәгылеит Белоруссиа, КЖәДР, Шьамтәыла.
Уаанӡа ЕАА, Великобританиа рхаҭарнакцәа адырра ҟарҵахьан арезолиуциа ишадымгыло, избанзар ари апроект Москва Украина агуманитартә кризиси ақәылареи ҟанаҵит ҳәа аанырԥшӡом ҳәа.
ЕАР иҟоу Урыстәыла ахаҭарнак Васили Небензиа мраҭашәаратәи атәылақәа акритика рзыҟаиҵеит апроцесс аполитикатә ҟазшьа иахьахьдырԥшуа.
Ахеилак аӡбра дахашшааит Китаи ахаҭарнак Чжан Цзиунь.