АҞӘА, хәажәкыра 24 - Sputnik. Урыстәыла аладатәи ахәҭа аҳаирбаӷәазақәа рҿы жәабран 24 рзы иалагалаз аԥкрақәа ирыцҵоуп мшаԥы 1 аҟынӡа ҳәа аанацҳауеит Росавиациа.
"2022 шықәса мшаԥы 1 асааҭ 03:45 аҟынӡа иацҵоуп Ростова-на-Дону, Краснодар, Анапа, Геленџьик, Елиста, Ставрополь, Симферополь, Белгород, Брианск, Курск, Воронеж рҿтәи аҳаирбаӷәазақәа русура аамҭала аԥкра", - аҳәоит адырраҭараҿы.
Апассаџьырцәа рымҩангаразы урыстәылатәи аҳаиртә еилахәырақәа ирабжьгоуп ишәарҭамкәа ишьоу амаршрутқәа рыла иԥырларц: Шәача, Волгоград, Аминералтә Ӡқәа, Ставрополь, Москва. Егьырҭ аҳаирбаӷәазақәа уаанӡа аус шыруаз еиԥш ируеит.
Росавиациа жәабран 24 азы Урыстәыла аладатәи ахәҭа аҳаирбаӷәазақәа рҿы аԥкрақәа аланагалеит арҭ аҵакырақәа шәарҭоуп ҳәа ишьаны.