АҞӘА, хәажәкыра 25 – Sputnik. Инал Арӡынбеи Дмитри Пескови Урыстәыла ахада Иусбарҭаҿ реиԥылараан жәларбжьаратәи аинформациатә политика иалацәажәеит ҳәа аанацҳауеит Аԥсны Адәныҟатәи аусқәа рминистрра апресс-маҵзура.
Аганқәа алацәажәеит Урыстәыла Аԥсны ианаҭар алшо аинформациатә саитқәеи асистемақәеи рмодернизациаз атехникатә цхыраара.
Иара убасгьы иалацәажәеит Аԥснытәи аҟазауаа Урыстәыла ахада ипресс-маҵзураҿы астажировка рахысреи Аԥсны жәларбжьаратәи аренаҿы ахԥша ашьҭыхразы аконсультациақәа рымҩаԥгареи рызҵаарақәа.
Аԥсны Адәныҟатәи аусқәа рминистр Инал Арӡынба Москваҟа дцеит хәажәкыра 22 рзы.
Хәажәкыра 22 рзы иара далахәын Урыстәыла Аҳәынҭқарратә Думаҿы имҩаԥысыз аусутә гәыԥ аилатәара, "Аԥсни Урыстәылеи рполитикатәи рекономикатәи еимадарақәа рырӷәӷәара" атемала.
Иара убасгьы Аԥсны Адәныҟатәи аусқәа рминистр Инал Арӡынба диԥылеит Урыстәылеи Белоруссиеи Реидгылатә ҳәынҭқарра Амаӡаныҟәгаҩ хада Дмитри Мезенцев аҩаша хәажәкыра 22 рзы.