АҞӘА, хәажәкыра 25 – Sputnik. Урыстәыла арратә мчрақәа "Калибр" ала украинатәи ар рзы ицхыраагӡаз Киев амҵантәи анефҭбаза ааха арҭеит ҳәа аҳәамҭа ҟаиҵеит Атәылахьчара аминистрра аофициалтә хаҭарнак, аинрал-маиор Игор Конашенков.
"Хәажәкыра 24 ауха амҵәыжәҩа змоу аракетақәа "Калибр" рыла украинатәи ар рзы ицхыраагӡаз Киев амҵантәи Калиновка аҿы иҟаз анефҭбаза ааха аҭан", - ҳәа иҳәеит иара.
Конашенков иажәақәа рыла, уахык ала авертолиотқәа рҟынтә ааха рыҭан 24 ак украинатәи аибашьыга техника: атанкқәа быжьба, 51 арратә обиект.
Конашенков иҳәеит урыстәылатәи ар 25-тәи аҳауа-десанттә бригада аҟәшақәа ишрыжәло, 4 километрак ԥхьаҟа инеины аиланхарҭа ҭыԥқәа 5 рхы ишақәиҭыртәыз.
Урыстәыла арратә операциа иалагеит жәабран 24 рзы. Урыстәыла ахада Владимир Путин иҳәеит аоперациа хықәкыс ишамоу аа-шықәса агеноцид зыдҟаҵалаз ауаа рхақәиҭтәра.