АҞӘА, хәажәкыра 28 - Sputnik. Урыстәылеи Азербаиџьани реиҿцәажәарақәа рышьҭахь Азербаиџьан Ҟарабах, Фурух араион аҿы ар шьҭахьҟа ирнахеит ҳәа аанацҳауеит Урыстәыла атәылахьчара аминистрра.
"Аиҿцәажәарақәа рышьҭахь азербаиџьантәи аган ар шьҭахьҟа иианагеит аиланхарҭатә ҭыԥ Фурух ашҟа", - ҳәа аҳәоит аусбарҭа абиуллитен.
Урыстәылатәи абжьаҟазаҩцәа уахи-ҽни 27 хылаԥшратә ҭыԥ рҟынтәи аҭагылазаашьа иахылаԥшуеит. Иазгәаҭан ҩ-еилагарак Азербаиџьан ар рганахь ала Аскерантәи араионаҿы.
"Аиҿахысраан ҩыџьа аахәарқәа роуит. Урыстәылатәи абжьаҟазацәа рнапхгареи аимак алахәылацәеи иалдыршеит аҭагылазаашьа арҭынчра", - ҳәа аҳәоит абиуллетен.
Абжьаҟазаҩцәа Лачатәи амҩала имҩаныргеит азербаиџьантәи аколоннақәа хԥа.
Уаанӡа ирылаҳәан азербаиџьантәи аруаа урыстәылатәи аилазаара ахьгылоу инеит ҳәа.
Азербаиџьантәи Арбџьармчқәа адыррала аԥырҩы дызҭам Bayraktar ала Ашьха-Ҟарабах арратә мчрақәа ааха рырҭеит. Москва арегион аҿы аибарххара агәҭынчымра азцәырнагеит.