АҞӘА, хәажәкыра 28 – Sputnik. Урыстәыла адунеи аҿы аҩызцәа рацәаны иамоуп иарбанызаалак ҭахкаарак ыҟам ҳәа иҳәеит Урыстәыла Адәныҟатәи аусқәа рминистр Сергеи Лавров сербиатәи АИХқәа аинтервиу рыҭо.
"Аиҟәыҭхаара аганахь ала, ҭахкаарак иҟам", - иҳәеит иара асанкциақәа рзы азҵаарақәа рҭак ҟаҵо.
Аминистр иҳәеит Урыстәыла аҩызцәа шырацәаҩу азиа-аокенҭынчтә регион аҿы, Азиа, Африка, Латинтәи Америка рҿы.
"Иҿио атәылақәа жәпакы рҟынтәи аиҿкаарақәеи ҳареи ҳаимабзиоуп. Арахь иаҵанакуеит Африкатәи Аидгыла, Латинтәи Америкеи Карибтәи аҵакыра, Алада-Мрагыларатәи Азиа атәылақәа р-Ассоциациа (АСЕАН) уҳәа егьырҭгьы", – иҳәеит Лавров.