АҞӘА, хәажәкыра 28 - Sputnik. 12-ҩык амшынуаа зҭаз Урыстәыла абираҟ иаҵагылан иӡсоз аидарамҩангага ӷба "Омский 205" ааха аиуит Амшын еиқәаҿы, ацхыраарагьы иаҳәеит ҳәа аанацҳауеит РИА Новости "Росморречфлот" апресс-маҵзура адыррақәа шьаҭас иганы.
Аӷба Ҭырқәтәылантәи Ростовҟа амҩа иқәын.
"Росморречфлот" аиқәырхаратә ӷба уахь инеины Керчь иахьаҵанакуа иацраҳәаны инанагоит. Аӷба аӡыҭгагақәа рыла аӡы ҭыргоит рҳәеит аусбарҭаҿы.
"Росморречфлот" аҿы иҟалаз мзызс иамаз ҳәа акагьы рымҳәеит.