АҞӘА, хәажәкыра 29 - Sputnik. Италиатәи ашәаҳәаҩ Енцо Гинацци, Пупо ҳәа еицырдыруа, Урыстәыла дадгыло урысшәала ашәа иҳәеит.
Артист афортепиано иациҳәеит ашәа "Иҟоуп мгеимцара заҵәык" ("Есть только миг" - азгә.), акомпозитор Александр Зацепин, ажәақәа - Леонид Дербенев.
Пупо ашәахьаҽны иҭеиҩит авидео, Урыстәыла апандемиа аҿагылараз ҭабуп ҳәа ахьеиҳәо.
"Урыстәылатәи сҩызцәа, сашьцәа ҭабуп ҳәа шәасҳәоит сыԥсадгьыл Италиа иуадаҩыз аамҭаз иашәҭоз ацхырааразы. Агәра згоит ахааназ ҳшнышәмыжьуа. Пупо сҟынтә иҭабуп, Италиа аҟынтә иҭабуп! Урыстәыла бзиа иаабоит!" – иҳәеит иара.