АҞӘА, мшаԥы 2 - Sputnik. Аԥсны азинхьчаратә система ареформа аҵак ду амоуп атәыла аинвестициатә хыԥша аиӷьтәраҟны, абри аҩыза аҳәамҭа ҟаиҵеит Аԥсны адәныҟатәи аусқәа рминистр Инал Арӡынба.
Адәныҟаполитикатә усбарҭа аиҳабы инаҵшьны иазгәеиҭеит Урыстәыла арегионқәа рҿы иҟалало аԥсуа инвестфорум аҳәаақәа ирҭагӡаны ҳзинхьчаратә система ареформазура азҵаара иахьынӡауа ала аӡбахә шырҳәало.
"Аԥсны ахада Аслан Бжьаниа излауала адгылара аиҭеит азинхьчаратә усбарҭақәа рырӷәӷәара аус аҟны. Иахьа иаздырхиоит азинхьчаратә система ареформа иазку апроектқәа, ҳаргьы урҭ ҳасаб рзаҳуеит Аԥсны Аҳәынҭқарра аинестициатә хԥша аиӷьтәра азҵаараҟны", - ҳәа азгәеиҭеит Арӡынба.
Асабша мшаԥы 2 рзы Шәача имҩаԥысит "Аԥснытәи аинвестициатә форум".
Афорум мҩаԥгалахоит ахәаахәҭра-економикатәи аинвестициатәи ускқәа рҿы Аԥсны аусацура еиҳа иазҿлымҳахар зылшо Урыстәыла арегионқәа рҿы. Хара имгакәа "Аԥснытәи аинвестициатә форум" мҩаԥгахоит Подмосковье, Санкт-Петербург, Тула ақалақьқәа рҿы.
Афорум иалҵшәаны қалақьцыԥхьаӡа аусутә гәыԥқәа аԥҵалахоит. Шәачатәи аусутә гәыԥ дахагылеит Аик Зебелиан, иара Аԥсны Аҳәынҭқарра аиҳабыреи аинвесторцәеи рыбжьара аусура ҳәаақәиҵалоит.