АҞӘА, мшаԥы 2 - Sputnik. Урыстәыла арра-космостә мчқәа Полтавеи Днепропетровски рҿы украинатәи арратә аеродромқәа ықәырхит, абри атәы атәы ажурналистцәа асабша ирзеиҭеиҳәеит Урыстәыла атәылахьчара аминистрра аофициалтә хаҭарнак, аинрал-маиор Игорь Конашенков.
"Ақалақьқәа Полтавеи Днепропетровски рҿы арратә аеродромқәа ықәхуп аҳауа иалоу икылкааны ихысуа аракетақәа рыла", - иҳәеит аинрал.
Иара убас иара аҳәамҭа ҟаиҵеит ДЖәР архәҭақәа Новобахмутовка аиҳарак рнапахьы ишааргаз, хазы игоу украинатәи аҳаир-десанттә бригада ирабашьуеит ҳәа.
Аинрал иазгәеиҭеит ари ауха иалагҳаны 40-ҩык рҟынӡа анационалистцәа ҭархан, иԥжәан атанктәи аминошьаҟатә взводқәа ҩбеи, иара убас аимнаршәратә батареиа.
Аурыс ар асабша иқәнахит абылтәи адизельтә былтәи рыҵәахырҭақәа Кременчугтәи анефҭаусадуларатә завад аҿы, уантәи акәын Украина агәи мрагыларатәи ахәҭеи игылаз архәҭақәа иахьынтәроуаз.
Арратә операциа иалагазар, Украина иҭархоуп 124 ҳаирплан, 84 вертолиот, 381 аԥырҩы дызҭам ахархәагақәа, 216 зенит-ракетатә комплекс, 1882 танки акәылӡымашьынеи, 203 реактивтә система, 786 артиллериатә шьақәгылеи аминаршәгақәеи, 1764 ак автомобилтә техника.