АҞӘА, мшаԥы 5 - Sputnik, Асмаҭ Ҵәыџьԥҳа. Аԥсны Апарламент аҩбатәи, аҵыхәтәантәи аԥхьарала азакәан "Ареспублика астратегиатә обиектқәа рзы" апроект аднамкылеит.
Астратегиатә обиектқәа рахь иаҵанакуеит Аԥсны ААР, Аԥсны АШәМ, Аԥсны ААР, Аԥсны АҶА робиектқәа.
Иара убасгьы асиахь иаҵаркуп аенергетика (ЕгрыГЕСгьы) аобиектқәа, авиациа аиҿкаара асистемақәа, аихамҩа, ареспубликатә ҟазшьа змоу амҩақәа, авто́/аихамҩатә вокзалқәа, абаӷәазақәа, аимадаратә обиектқәа, ателе-радио центрқәа, аинформациатә маҵзурақәа.
Аҭагылазаашьа ҷыдаан Аԥсны ахада амилаҭтә интересқәа, ауааԥсыра рыԥсҭазаарақәа рыхьчаразы арҭ аобиектқәа рзы иҷыдоу ахьчаратә режим алеигалар азин имоуп арратә мчрақәа рхархәарала.
Апроект аҳәаақәа ирҭагӡаны аҳәынҭқарра иатәу астратегиатә хыбрақәа рхатәтәра ҟалом.