Аԥсны

Аԥсны Апарламент Жәлар Реизарахь адепутатцәа ралхразы азакәан аиҭакрақәа ирыхәаԥшит

Уаанӡа Апаралмент аҿы ирыдыркылахьан азакәан аиҭакрақәа: адепутатрахь акандидат иқәратә цензи уи хымԥада аҳәынҭқарратә аԥсуа бызшәеи аурыс бызшәеи идырразы.
Sputnik
АҞӘА, мшаԥы 5 - Sputnik, Асмаҭ Ҵәыџьԥҳа. Аԥсны Апарламент адепутатцәа "Аԥсны Жәлар Реизарахь адепутатцәа ралхразы" азакәан аиҭакрақәа ирыхәаԥшит.
Актәи аиҭакра адкыларазы иахәҭаз абжьы амоиуит. Уахь иаҵанакуан адепутатрахь акандидатцәа аҳәынҭқарратә телехәаԥшреи арадиои рҿы хәыда-ԥсада еиҟароу, акандидат хымԥада дызлахәхар акәу аефир аамҭа роура. Акандидатцәа рықәгылара аишьҭагыла АКХ иҳәаақәнаҵар акәын.
Аԥсны
Аԥсны Жәлар Реизара 6-тәи ааԥхьара алҵшәақәа еихишьалеит уи аиҳабы Валери Кәарҷиа
Ариашара инақәыршәаны адепутат азин имоуп егьырҭ АИХқәа рҿы иалхраԥхьатә программеи игәаанагарақәеи рхархәара.
Ариашара иаҵанакуан ихымԥадатәиу акандидат иреиҳау аҵара имазаара.
"Аҵара змоу ауаҩы идыргало закәу еиликаауеит. Ҳара азакәанқәа рыпроектқәа азҳархиоит, аус рыдаауылоит. Аҵареи аԥышәеи иҳарҭоит алшара урҭ еиӷьаҳтәырц", - иҳәеит Апарламент аиҳабы ихаҭыԥуаҩ Саид Ҳаразиа.
Депутатцәақәак ари ариашара адкылара иаҿагылеит, адепутатцәа ажәлар ирхаҭарнакцәоуп, адипломгьы иуҭаххар иааухәар ҟалоит ҳәа азгәаҭо.
"Иҟоуп иреиҳау аҵара аиура злымшаз. Иахьагьы иҟоуп аинститутқәа ирҭаланы аҵара змоуз, аха уи иаанагаӡом урҭ хшыҩдоуп ҳәа. Урҭ ирымам алшароуп. Иҟалап урҭ еиҳагьы иҟәышзар, еиҳагьы адырра рымазар иреиҳау аҵара змоу раасҭа", - иҳәеит Баҭал Тапаӷәуа.
Аилацәажәара ашьҭахь азакәан рыдызгалаз адепутат Лаша Ашәба азҵаара ықәигеит.
Арадио
Табаӷәуа "Адепутатцәа ралхразы" азакәан абызшәазы аиҭакра алагаларазы: алацәажәара аҭахӡам
Апарламент иаднакылеит адепутатцәа русурахь арегламент аԥсахрақәа. Урҭ иазԥхьагәарҭоит апарламенттә еилакқәа есԥшьбареи есышықәсеи русураз аҳасабырба ҟарҵаларц. Уи адагьы хәышықәсатәи русуразы аҳасабырба ҟарҵалароуп адепутатцәагьы.
Адепутат Баҭал Тапаӷәуа игәаанагарала ааԥхьара ҿыц аусура арегламент ҿыц иалху ишьақәдыргылароуп. Уи иколлега Алмасхан Џьынџьал иҳәеит, уажәтәи адепутатцәа русура арегламентгьы уаанӡатәиқәа ишышьақәдыргылаз.
Иалагалоу аԥсахрақәа рыла Апарламент апресс-маҵзура есымза алхыҩцәа аинформациа рнаҭалароуп аусбарҭа аусуразы.
Ариашарақәа актәи аԥхьарала ирыдыркылеит.