АҞӘА, мшаԥы 6 - Sputnik, Сариа Кәарцхелиаԥҳа. Аҟәа аҩнеихагыла иасыз абензин аазгоз амашьына аԥсҟы зкыз иԥсҭазаараз шәарҭара ыҟам, абри атәы рҳәеит Аԥсны агәабзиарахьчара аминистрра апресс-маҵзура аҟны Sputnik акорреспондент данрацәажәоз.
Амашьынарныҟәцаҩ Аҟәа Ареспубликатә хәшәтәырҭа хадахь днаган.
Амашәыр иақәшәаз амашьынарныҟәцаҩ ихымԥадатәиз ацхыраара иҭан, иԥсҭазаара ашәарҭа иҭагылам", - азгәарҭеит аусбарҭаҿ.
Амашьынарныҟәцаҩ макьана Ареспубликатә хәшәтәырҭаҿ дыҟазаауеит.
Аҟәа ареспубликатә мҩадухадаҟны амҩатә машәыр ҟалеит мшаԥы 6 азы. Ешба имҩа "Колас" ҳәа иахьашьҭоу аиланхарҭаҿ абензин аазгоз амашьына аҩнеихагыла иасит.
Заанаҵтәи аадыррақәа рыла, амашьынарныҟәцаҩ амҩа дахҟьаны аҩныеихагыла дасит.