АҞӘА, мшаԥы 7 - Sputnik. Аԥсны ахада инапынҵала аиҳабыра аус адыруылеит 2021 шықәса ԥхынгәы-нанҳәа рзы аԥсабаратә рыцҳара иахҟьаны ааха зауз ауаа аамҭа-аамҭала аматериалтә цхыраара рзыҟаҵара амеханизм аус адыруыларц. Абри атәы иҳәеит Аминистрцәа реилазаара аилацәажәараҟны аԥыза-министр Александр Анқәаб.
Аминистрцәа реилазаараҿы иаԥҵоу аԥсабаратә рыцҳарақәа рыхҟьаԥҟьақәа разԥхьагәаҭареи раԥыхреи рзы акомиссиа 2021 шықәсазы аԥсабаратә рыцҳара иахҟьаз аԥхасҭа ахәԥса 284 миллион мааҭ ҳәа ишьақәдыргылеит. Уи аҟынтәи 109 миллион мааҭ рыхә атәылауаа рынхарақәа ааха аиуит.
Ареспубликатә биуџьет аҟынтәи ацхыраара рыҭахоит зынхарақәа ааха зоуз атәылауаа.
Атәылаҿ аматериалтә цхыраара роураны иҟоуп 664-ҩык. Аԥхьатәи ахәҭазын ишәахоит - 57 миллион мааҭ.