АҞӘА, мшаԥы 8 – Sputnik. Аԥсны иҟоу Урыстәылатәи арратә база аԥшыхәҩцәа ирҿыцу аԥкра-цәаҳәақәа "Аԥшыхәҩ ицәаҳәа" ирхысит ҳәа аанацҳауеит ААО апресс-маҵзура.
Аҽазыҟаҵарақәа мҩаԥысуан алагертә еизара аҳәаақәа ирҭагӡаны ашьхаратәи амшынԥшаҳәатәи ҭыԥқәа рҿы.
Ацагамҩа километрак еиҳаны ишьақәыргылан, 23 ԥынгыла рыла еиҿкаан.
Аԥкра-цәаҳәақәа рӷәӷәан алашара, абжьы, артҟәацра, апиротехникатә хархәагақәа рыла. Урҭ ирыбзоураны аҽазыҟаҵарақәа ирылшеит аҭагылазаашьа ииашаҵәҟьаны имҩаԥысуазшәа амҩаԥгара.
Аԥшыхәҩцәа алҩа зқәыз аҭыԥ, аӡиас, адгьыл аҵатә коммуникациақәа ирхысит, ахраҿҟьара ихалеит иара убасгьы аскалодром рхы иадырхәеит.
Иара убасгьы аԥшыхәцәа аԥышәарақәа рҭиит анапышьашәалатәи ақәԥараз, ҳаамҭазтәи аԥшыхәратә комплексқәа рхархәашьаз, аԥшыхәреи аимадареи "Стрелец" рнапхгараҟаҵараз, аус рыдыруылеит 40 рҟынӡа аӷа икоммуникациақәа ааха рыҭаразы.