"Гал араион аҿы ҽаамҭанык еиԥшымкәа иаҳа ҳазыхиоуп абылрақәа. Ҵыԥх иҟаз ахҭысқәа аԥышәа ду ҳнаҭеит. Амца уазыхиамзар даара анкылара цәгьоуп. Араион зегьы анбылуа, машьынак ҩ-машьынак акгьы аанагаӡом. Аизараҿы араион ахада ақыҭа ахадацәа адҵа риҭеит, ауааԥсыра ргәырҽанырҵарц, акы амца ацраҵара ргәы иҭаркзар, амцарцәагатә машьына ааигәа иҟазарцаз. Абылра аҳәаақәа алырдаларцаз. Ҵыԥх амхурсҭақәа амцакра анапаҟынтә иаушьҭын, сынтәа - иазыԥҵәоуп аԥҟарақәа, урҭ ауааԥсыра зегьы идеилыркаахоит. Иахьа уажәраанӡа ҳамч зқәымхо ҟамлацт. Иҳаҩсыз амчыбжь азы араион аҿы ирацәан амцакрақәа, аха рҳәаақәа маҷын", - ҳәа иҳәеит Аршба.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.