АҞӘА, мшаԥы 13- Sputnik. Уахыки-ҽнаки рыла Аԥсны ауааԥсыра COVID -19 азы атестқәа арҭеит 78-ҩык, урҭ рахьтә ааҩык аҿкчымазара шрымаз аадырԥшит ҳәа аанацҳауеит ауааԥсыра акоронавирус рацәыхьчаразы аоперативтә штаб.
Ари аамҭазы Гәдоуҭатәи араионтә хәшәтәырҭа хадаҿы ишьҭоуп 12-ҩык, рҭагылазаашьа бааԥсуп 4-ҩык, ибжьаратәуп 8-ҩык. Аҟәатәи аинфекциатә хәшәтәырҭаҿы дырхәшәтәуеит акоронавирус зцәа иалоу аӡәы. Очамчыра ирхәшәтәуеит ҩыџьа, Гагратәи ахәшәтәырҭаҿы - аӡәы, Тҟәарчалтәи ахәшәтәырҭаҿы ҩыџьа ачымазцәа шьҭоуп.